Sunday, April 11, 2021

በህዳሴ ጉዳይ ለሁለት የተከፈለው የአሜሪካ መንግስትና ኢትዮጵያ ወደ ፕሬዝዳንት ትራምፕ የላከችው ሽምግልና

Must Read

በአክሱም ከተማ ስለተፈፀመው ጭፍጨፋ አምነስቲ ኢንተርናሽናል ሙሉ ሪፖርቱን ይፋ አደረገ

  ተቀማጭነቱን በለንደን ከተማ ያደረገውና በሰብአዊ መብት ጉዳዮች ላይ በመላው አለም ክትትል የሚያደርገው አምነስቲ ኢንተርናሽናል ከሰአታት በፊት ባወጣው ባለ 25...

የኢትዮጵያ አየር መንገድ ከፊል ድርሻ ለቱርክ መንግስት ሊሸጥ ነው

ዛሬ ከዋሽንግተን ዲሲ አካባቢ የተገኘ መረጃ እንደሚያመለክተው በጠቅላይ ሚንስትር ዶ/ር አብይ አህመድ የሚመራው የኢትዮጵያ መንግስት የኢትዮጵያ አየር መንገድን እስከ...

ኢትዮጵያ በዓለም አቀፍ ገበያ ላይ የሸጠችው ቦንድ ዋጋው እያሽቆለቆለ ነው

ከውጭ ባለሃብቶች 1 ቢልዮን ዶላር ለመበደር በ2007 እ.ኢ.አ ኢትዮጵያ የሸጠችው ቦንድ በአየርላንድ የቦንድ ገበያ ላይ ባለሃብቶቹ እርስ በርስ የሚገበያዩበት...

በቅርቡ ከወደ ዋሽንግተን ዲሲ የተሰማው ዜና የአሜሪካው ፕሬዝዳንት ቀኝ እጅ የሆኑት የግምዣ ቤት ፀሃፊው ስቲቭን ምዩንሽን አሜሪካ ለኢትዮጵያ እያደረገች ያለችው እርዳታ ዝርዝር ከሚመለከተው የመንግስት አካል እንዲቀርብላቸው መጠየቃቸውን ይገልፃል፡፡ በህዳሴ ግድብ ዙርያ ኢትዮጵያ ግብፅና ሱዳንን እንድያደራድሩ በፕሬዝዳንት ትራምፕ ሃላፊነት ከተሰጣቸው ሁለት አደራዳሪዎች አንዱ የነበሩት ስቲቭን ምዩንሽን ኢትዮጵያ ድርድሩን አቋርጣ በመውጣቷ ከመቆጣትም አልፈው ስምምነት ሳይደረስ ግድቡን እንዳትሞላ የሚል ማሳሰብያ ሰጥተው የነበረ ሲሆን ለኢትዮጵያ በየአመቱ የሚሰጠው እርዳታ ዝርዝር ይቅረብልኝ ማለታቸውም እርዳታን እስከ ማቋረጥ የሚደርስ እርምጃ ለመውሰድ እያሰቡ መሆናቸውን ያመላክታል ፡፡እርምጃው ከሰብአዊነት ጋር የተያያዙ ረሃብን ለመከላከልና የሕፃናትን ጤንነት ለመጠበቅ የሚደረጉ እርዳታዎችን የማይነካ ሲሆን ባብዛኛው ከደህንነትና ከኢኮኖሚ ጋር የተያያዙ እርዳታዎችን እስከማገድ የሚደርስ እንደሆነ ተሰምቷል፡፡

ሆኖም ባብዛኛው የውጭ ጉዳይ የሚመለከተው የአሜሪካ ስቴት ዲፓርትመንት (እንደ ውጭ ጉዳይ ማለት ነው) የፕሬዝዳንት ትራምፕና የስቲቭን ምዩንሽን ለግብፅ ከፍተኛ አድልኦ ያሳየ ድርጊት አሜሪካ ለወደፊት ከኢትዮጵያ ጋር ያላትን ወዳጅነት እንዳያሻክረው በመስጋቱ የስቴት ዲፓርትመንት ሃላፊዎች እስካሁን ለኢትዮጵያ የሚሰጠው እርዳታን ዝርዝር የሚያሳይ ዶክመንት ለግምዣ ቤቱ ስቲቭን ምዩንሽን አልላኩም፡፡ በተለምዶ የስቴት ዲፓርትመንት የውጭ ጉዳይና የዲፕሎማሲ ስራዎችን በሃላፊነት የሚሰራ ሆኖ ሳለ ፕሬዝዳንት ትራምፕ ጉዳዩ ምንም ለማይመለከታቸውና ባብዛኛው ሃላፊነታቸው ከኢኮኖሚና ገንዘብ ከማተም ጋር ለሆነው የግምዣ ቤቱ ዋና ፀሃፊ ስቲቭን ምዩንሽን እንዲያደራድሩ ሃላፊነት መስጠታቸው በስቴት ዲፓርትመንት ሃላፊዎች ዘንድ ግራ መጋባትን እንዲሁም ቅሬታን ፈጥሮ ነበር፡፡

ሆኖም እንደ ኢትዮኖሚክስ ግምት ስቲቭን ምዩንሽን ለአደራዳሪነት የተመረጡበት ምክንያት አሜሪካ በዓለም ባንክ ያላትን ድርሻ ወክሎ ድምፅ የሚሰጠውና ከባንኩ ጋር ያላትን ጉዳይ የሚያስፈፅመው የአገሪቱ ግምዣ ቤት በመሆኑ ዋና ፀሃፊው ስቲቭን ምዩንሽንም በዓለም ባንክ ያላቸውን ተሰሚነት በመጠቀም ባንኩ በኢትዮጵያ መንግስት ላይ ግድቡ እንዳይሞላ ግፊት እንዲያደርግ በሚል ሃሳብ ነው ብሎ ያምናል፡፡ በተለይም ጠቅላይ ሚንስትር ዶክተር አብይ አህመድ ወደ ስልጣን ከመጡ ጀምሮ በኢትዮጵያ ኢኮኖሚ ላይ ጫና የመፍጠር እድል ከተከፈተላቸው የውጭ ተቋማት አንዱ በሆነው በዓለም ባንክ ላይ ከፍተኛ ድርሻ ያላት አሜሪካ ተቋሙን በእጅ አዙር እንደፈለገች ታሽከረክረዋለች የሚሉ ትችቶች ይሰማሉ፡፡ ለዚህም ማስረጃ የሚሆን ከ1 ወር በፊት የኢትዮጵያን ግድቡን እሞላለው የሚል ይፋ አቋም ተከትሎ የዓለም ባንክ ከዚህ በፊት ለማበደር ቃል ገብቶት የነበረውን ገንዘብ ለጊዜው አግዷል የሚል ዜና መሰማቱ ይታወሳል፡፡ ይህንን ጠንቅቀው የሚያውቁት ፕሬዝድንት ትራምፕ የግድቡን ውዝግብ ለመፍታት እንዲያደራድሩ የመረጧቸው ሁለት አካላት የዓለም ባንኩ ፕሬዝዳንት ዴቪድ ማላፓስና የግምዣ ቤቱ ዋና ፀሃፊ ስቲቭን ምዩንሽን መሆናቸው በምን መልኩ ኢትዮጵያ ላይ ከፍተኛውን ግፊት ማድረግ ይቻላል በሚለው ላይ ጠንቅቀው እንዳሰቡበት ያመላክታል፡፡

ታድያ የዶናልድ ትራምፕና የስቲቭን ምዩንሽን በአጭር ጊዜ ጥቅም ላይ የተመሰረተ እንቅስቃሴን በመቃወም በርካታ የአሜሪካ ምክር ቤት አባላትና የስቴት ዲፓርትመንት ሃላፊዎች ፕሬዝዳንቱ ላይ ትችቶችን ሲሰነዝሩ ቆይተዋል፡፡ ፕሬዝዳንት ትራምፕ ለሚቀጥለው ምርጫ የማሸነፍ እድሌን ያሰፋልኛል በሚል እስራኤልንና ፍልስጤምን ያስማማል ብለው ያቀረቡት የመፍትሄ ሃሳብ ለእስራኤል ያደላ በመሆኑና ከፍልስጤማውያንም አልፎ ግብፅንና የተለያዩ የአረብ አገራትን ማስቆጣቱ ምናልባት ግብፅን በህዳሴ ግድብ በመደለል ማግባባት ይቻላል በሚል እምነት ድንገት ሳይታሰብ በግድቡ ጉዳይ ላይ አደራዳሪ ካልሆንኩ የሚል ጥያቄ እንዲያቀርቡ ዳርጓቸዋል፡፡ ከዚህም ጋር ተያይዞ ጠቅላይ ሚንስትር አብይ ኢትዮጵያ ለረጅም አመታት ይዛው የነበረውን የውጭ አደራዳሪ በተለይም የአሜሪካን ጣልቃ ገብነት ያለመቀበል አቋም ወደ ጎን በመተው የዶናልድ ትራምፕን ጥያቄ ተቀብለው የግድቡን ድርድር ወደ ዋሺንግተን ዲሲ መላካቸው ለከፍተኛ የአገር ውስጥ ተቃውሞ ዳርጓቸው ነበር፡፡

ይህ በእንዲህ እንዳለ ሰሞኑን የኢትዮጵያ መንግስት ከፕሬዝዳንት ትራምፕ እንዲያሸማግሏቸው በሚል ከአንድ የህግ ባለሙያ ጋር ለሶስት ወር የሚቆይ የ130 ሺ ዶላር ስምምነት ተፈራርሟል፡፡ የፕሬዝዳንት ትራምፕ ደጋፊና የቅርብ ወዳጅ እንደሆኑ የሚነገርላቸው የህግ ባለሙያው ክሬግ በርካርድ ከፕሬዝዳንቱ ጋር ያላቸውን ቅርበት በመጠቀም የኢትዮጵያን ጥቅም የሚያስጠብቁ እንቅስቃሴዎችን እንደሚያደርጉ ይጠበቃል፡፡ ለምሳሌም የኢትዮጵያን አምባሳደር ፍጹም አረጋን ጨምሮ የተለያዩ የኤምባሲ ሃላፊዎች ከአሜሪካ ባለስልጣናት ጋር ውይይት የሚያደርጉበትን መንገድ ማመቻቸት፣ ኢትዮጵያ አሜሪካንን ከጎኗ ለማሰለፍ በምትጠቀምባቸው ስልቶች ላይ ማማከር፣ እንዲሁም ስለ ኢትዮጵያ ጠቃሚነትና የአሜሪካ ታሪካዊ ወዳጅነት ለፕሬዝዳንት ትራምፕ ማብራራትና ማግባባት የሚሉት ይጠቃለላሉ፡፡ ክሬግ በርካርድ ከዚህ በፊት በቀድሞው ፕሬዝደንት ጆርጅ ቡሽ ዘመን የአሜሪካ ንግድ ቢሮ የህግ አማካሪ በመሆን አገልግለዋል፡፡ይህ አይነት አሰራር በእንግሊዝኛ አጠራሩ ሎቢዪንግ የሚባል ሲሆን የቀድሞው የኢህአዴግ መንግስት በአመት እስከ 4 ሚልዮን ዶላር በማውጣት በዋሺንግተን ዲሲ ሎቢስቶችን ቀጥሮ ይንቀሳቀስ ነበር፡፡ ግብፅና ሱዳንን ጨምሮም በርካታ አገራት በበኩላቸው ከፍተኛ ገንዘብ በማፍሰስ ሎቢስቶችን ቀጥረው በተለያዩ ጉዳዮች ላይ ጥቅማቸውን ለማስከበር የአቅማቸውን ግፊት በአሜሪካ ባለስልጣናት ላይ ለማድረግ እንደሚሰሩ ይታወቃል፡፡

- Advertisement -

LEAVE A REPLY

Please enter your comment!
Please enter your name here

- Advertisement -

Latest News

በአክሱም ከተማ ስለተፈፀመው ጭፍጨፋ አምነስቲ ኢንተርናሽናል ሙሉ ሪፖርቱን ይፋ አደረገ

  ተቀማጭነቱን በለንደን ከተማ ያደረገውና በሰብአዊ መብት ጉዳዮች ላይ በመላው አለም ክትትል የሚያደርገው አምነስቲ ኢንተርናሽናል ከሰአታት በፊት ባወጣው ባለ 25...

የኢትዮጵያ አየር መንገድ ከፊል ድርሻ ለቱርክ መንግስት ሊሸጥ ነው

ዛሬ ከዋሽንግተን ዲሲ አካባቢ የተገኘ መረጃ እንደሚያመለክተው በጠቅላይ ሚንስትር ዶ/ር አብይ አህመድ የሚመራው የኢትዮጵያ መንግስት የኢትዮጵያ አየር መንገድን እስከ ግማሽ የሚጠጋ የባለቤትነት ድርሻ ለቱርክ...

ኢትዮጵያ በዓለም አቀፍ ገበያ ላይ የሸጠችው ቦንድ ዋጋው እያሽቆለቆለ ነው

ከውጭ ባለሃብቶች 1 ቢልዮን ዶላር ለመበደር በ2007 እ.ኢ.አ ኢትዮጵያ የሸጠችው ቦንድ በአየርላንድ የቦንድ ገበያ ላይ ባለሃብቶቹ እርስ በርስ የሚገበያዩበት ዋጋ ማሽቆልቆሉን ቀጥሏል። ከሶስት ሳምንታት...

ኤርትራ፤ ከተራራው ጀርባ ጠልቃ የቀረችው ሰሜናዊት ኮኮብ

  ኤርትራ ከባህር በሯ በዘለለ፤ ምድሯ ጥቅም የለውም የሚለው አስተሳሰብ ከኢትዮጲያ ጋር ፍቺ ሳትፈጽም በፊት ገዢ ሃሳብ ሆኖ ነው የኖረው፡፡ በደርግ ጊዜ የኢትዮጲያ ፕሬዝዳንት የነበሩት...

ኢኮኖሚያዊ ህልሙ በፖለቲካ ይጨናገፍ ይሆን?

  በ2013 እ.ኤ.አ. የአዲስ አበባ መስፋፋት የኦሮሚያ ገበሪዎችን አፈናቅሏል በሚል የተጀመረው የጸጥታ አለመረጋጋት ሰባት አመታትን አስቆጥሯል፡፡ ይህ አመጽ አሁን ያሉትን ጠቅላይ ሚኒስትር ወደ ስልጣን አምጥቶ...
- Advertisement -

More Articles Like This

- Advertisement -